Transcription
1
Monsieur, encores que je ne doubte point que les mérites qui sont au cappitaine
2
Mayres comme vous scavés trop mieulx et les services qu’il vous a
3
faictz ne nous soyent si mémoratifz que vous aurés tousiours
4
souvenance de luy pour le gratifier quant l’ocasion se présentera si je
5
ne suys, je pence que vous ne trouveriés maulvays si je y
6
aioustoys ceste mienne prière très humble à le vouloir
7
gratifier de ceste despesche que le roy nous envoye pour lever
8
gens de telle charge que vous cognoistrés luy estre propre,
9
n’ayant les moyens comme vous scavés se pouvoir
10
par trop fendre en despence, aussi qu’il n’en désire avoir que
11
par vostre moyen et commandement. Il vous contera toutes les
12
nouvelles qui sont yci, qui ne sont guyères grandes, fors
13
que tout le monde se prépare pour ceste prince ailler voyr
14
La Rochelle si mieulx l’on ne peult fère. Le roy part demain
15
pour s’en ailler du costé de Fontenay à la chasse et la
16
royne sa mère, Monsieur, conduysent madame de Lorrayne qui
17
s’en reva jusques à Monceaulx, d’où ilz reviendront sempmedi
18
pour estre yci tous ensemble de retour dymanche que monsieur le légat
19
arrivera ; et sur ce, je me recommanderay très humblement à
20
vostre bonne grâce, priant le Créateur vous tenir
21
Monsieur, en très bonne santé et longue vie. De Parys, le XVIIIme
22
Novembre 1572
23
Vostre très humble allyé et très affectionné serviteur.
24
Monestier